01.09.15ж. - №79 мектеп-лицейінде бастауыш сынып мұғалімдері «Менің Отаным - Қазақстан» тақырыбында патриоттық сабақтар берді. Сабақтың басты мақсаты – өскелең ұрпақты патриотизм мен тағаттыққа тәрбиелеу, адамгершілік-рухани дамыту, өзі дүниеге келген туған жеріне деген сүйіспеншіліктерін арттыру. Астана қаласы әкімінің орынбасары Аманшаев пен Астана қаласы Білім басқармасының басшысы Эльмира Амангелдіқызы Суханбердиева сыныптарды аралап, сабақтарға қатысып, білім әлеміне алғаш қадам аттап отырған бүлдіршіндерге ақ жол тіледі.
Сондай-ақ, патриоттық сезімін, елі үшін мақтанышын тәрбиелеу, шынайы патриоттың және Отан қорғаушының бейнесін қалыптастыру, оқушыларды елінің және өлкесінің тарихымен таныстыру, белсенді өмірлік ұстанымын қалыптастыру мақсатымен 5-8 сыныптарда «Қазақ халқының ерлік істері» тақырыбында ерлік сабақтары берілсе, 9-11 сыныптарда қазақстандық патриотизмді қалыптастыру, тағаттылықты, этносаралық және мәдениетаралық коммуникацияны дамыту, оқушылардың ой-өрісін кеңейту, қазіргі Қазақстан туралы білімін тереңдету мақсатында, «Мәңгілік Ел: бір ел – бір тағдыр» тақырыбымен бейбітшілік және келісім сабақтары өтті.