№79 мектеп-лицейі бастауыш оқыту бірлестігінің «Қашықтықтан оқыту - заман талабы» онкүндігі кезеңінде 12.04.2021 жылы 1 «Ж» сыныбында математика пәнінен «Саудаға қатысты есептер» тақырыбымен ашық сабақ өтті. Мұғалім - Аманкулова Мадина Абдраимовна, бастауыш сынып мұғалімі және  Утегенова Улмекен Сергазиевна, ағылшын тілі мұғалімі.

        Онкүндіктің мақсаты сабақ және іс-шаралардың қашықтық оқыту формалары арқылы оқу-тәрбие  үдерісіне барлық оқушыны тарту болғандықтан оқушылардың қашықтықтан білім алу барысында математика пәнінен білімдерін тереңдету. Сабақ ағылшын тілі пәнімен кіріктірілді.

       Сабақтың мақсаты:

-Саудаға қатысты есептер шығару;

-Есеп шығаруға қажетті сызба таңдау;

- Монеталарды үш тілде санау.

          Сабақта оқушылар мәтіндерді салыстыра отырып, есепті таңдап алу; есепке сәйкес графикалық модельді таңдап алу; есепті шешу және жауабын айту жұмыстарын жасады. Сабақта оқушылар оқулықпен, дәптермен, компьютермен жұмыс жасады, есептер шығарды. Ойындар ойналды, миға шабуылға  тапсырмалар берілді.